Ponte Bibei

A ponte Bibei é da época do emperador Traxano e foi remodelada cara fins do século XIX e principios do XX. Na actualidade séguese utilizando. As súas dimensións son de 75 metros de lonxitude e de 7 metros de anchura. Dende o arco central ata o leito do río hai 22,50 metros.

Foi Construído para o paso da Vía Nova e ostenta a categoría de Monumento Histórico Artístico Nacional. Esta é unha das pontes romanas mellor conservadas da Hispania, probablemente porque nunca perdeu a súa función de obra útil. Sobre a ponte pasou primeiro a vía XVIII, despois os diferentes camiños que a substituíron a través dos séculos, e dende o século pasado a estrada N-120 (actual C-536). A ponte Bibei, recibe este nome polo río Bibei, é unha das máis altas da Hispania e está incluída no libro: Pontes históricas de Galicia.

Ponte Cabalar

Esta situado sobre o río Cabalar. Dun só arco e con calzada de lousas. De orixe romana, foi reconstruído no ano 1832 e viño a substituír outro que alí existía pois por alí pasaba a calzada romana. Aínda que practicamente nada da súa fábrica romana chego ata os nosos días.
Logo camiño medieval e tamén xacobeo, que dende Terras de Sanabria chegaba a Sobrado de Trives e na Ponte Cabalar uníase coa Vía XVIII.
Nos seus arredores podemos observar a antiga fábrica de chocolate que foi construída por José Salgadoalla polo 1.889, elaboraba un chocolate de tan alta calidade que tivo a honra de ser provedor da Casa Real coincidindo co reinado de Alfonso XIII.
En 1.918, os seus donos pecharon fabríca e trasladárona á Arxentina onde hoxe en día é unha prospera fabrica de chocolate en Bos Aires onde na parte de atrás do envoltorio sae a foto de Ponte Cabalar e fala das orixes desta fabrica.
Declarado monumento histórico-artístico. Ademais do seu valor construtivo, hai que destacar o valor paisaxístico do ámbito que a rodea, onde resaltaremos a existencia de dous muíños e a beleza dunha paraxe chea de encanto e intimidade, rodeado de arbores e cun continuo son da auga

Ponte Navea

O río Navea conduce as súas augas a través dun estreito val antes de xuntarse co Bibei. O río traza a liña divisoria entre os concellos de San Xoán de Río e A Pobra de Trives. Este val da Terra de Trives era todo un obstáculo na antigüidade para todos os que tentasen cruzalo. Os seus frondosos bosques e as súas fragosas ladeiras facían que fose unha ruta difícil. Pero, aínda que fose perigosa os que viñan do Bierzo tiñan que seguir a ruta para poder achegarse ás terras de Trives. Seica nestas terras se situou a capital da tribo galaica dos Tíburos, Nemetóbriga, que posteriormente se convertiría nunha mansión romana.

Por aquí pasaba a coñecida e importante Vía XVIII que unía Asturica con Bracara. Esta vía construíuse baixo o mandato dos emperadores Tito e Domiciano en torno ao ano 80 d.C. No Trives Vello localizábase Nemetóbriga (a cidade do bosque sagrado) capital de los Tiburi, a tribo celta que habitaba na zona.

Ponte Piago

A estrada OU-536, e antes do 2003 C-536, foi construída a mediados do século XVIII para unir as localidades da Rúa e Ourense. Por iso foi precisa a construción e aproveitamento de vellas pontes romanas como a do Bibei en Trives e a construción de novas pontes de arco en cantaría. Ponte Piago é unha delas. Localízase no quilómetro 64,5 nunha zona estreita do val do río Navea, que separa os concellos de Trives e San Xoán de Río.

Chama a atención o seu enorme arco de medio punto debido a súa altura, para así poder salvar o desnivel existente entre os dous puntos da estrada. A ponte era moi estreita polo que só permitía, o tránsito dun só vehículo. Despois de diversas obras na estrada, durante o século pasado, emprendeuse a finais de século a reforma case total dela, o que levou á construción dun novo e moderno viaduto que inutilizaba a vella ponte Piago. Así pois, Piago quedou oculta e esquecida na natureza no val do Navea